Nabi Ke Sahaba ke Raste Pe Chal ke Naat Lyrics

Nabi (salallahu alayhi wassalam) ke sahaba (RA) ke raste pe chal ke
dilon ka sukoon hum ne haasil kiya hai
laga hai nasha jabse jannat ka humko
uchaat apna jee is jahan se hua hai

woh Ta’if ki wadi mein kha kha ke pathar
humarey liye jo tarapta raha tha
ussi ke tareeqay ko payron se rondha
zara khud batao yeh kaisi wafa hai

yeh woh mawt hai dosto jis ki khaatir
Nabi ne bhi mangi thi Rabb se duaein
qataya hai is rah mein jis ne sar ko
Khuda ki qasam woh amar hogaya hai

suno uhud ke paar se yeh sadaein
Anas Bin Nazar (RA) ki tumhey keh rahi hai
jo Allah ki rah mein jaan luta dey
wohi asal mein aashiq-e-Mustafa hai

Masa’ib ke maydan mein kood parna
talab mein shahadat ke dil ka machalna
khuda ke liye sare aalam se katna
haqeeqat mein firdaws ka rasta hai

mahazon (battlefield) se aati hai jannat ki khushboo
mere dil ko beychain kiye ja rahi hai
chali hai jo firdaws se tandi tandi
jawanon ko lati hai yeh woh saba hai

Leave a Comment